မစ်ဒယ်ဝိတ်တန်း ချန်ပီယံခါးပတ်ကို ပြန်လည်ရယူနိုင်ဖို့ အခွင့်အရေးရှိလာပြီဖြစ်တဲ့ အောင်လအန်ဆန်

မစ်ဒယ်ဝိတ်တန်း ချန်ပီယံခါးပတ်ကို ပြန်လည်ရယူနိုင်ဖို့ အခွင့်အရေးရှိလာပြီဖြစ်တဲ့ အောင်လအန်ဆန်

မြန်မာ MMA ကစားသမား အောင်လအန်ဆန်သည် မစ်ဒယ်ဝိတ်တန်းကမ္ဘာ့ချန်ပီယံလုပွဲအဖြစ် စိန်ခေါ်သူ ဒီရစ်ဒါနှင့် ယှဉ်ပြိုင်ထိုးသတ်ခဲ့ရာ ပထမအချီ သုံးမိနစ် ၂၆ စက္ကန့်တွင် ချုပ်ကွက်မိပြီး အရေးနိမ့်ခဲ့ခြင်းဖြစ်သည်။ထို့ကြောင့် ONE Championship သည် ဒီရစ်ဒါ၏ မစ်ဒယ်ဝိတ်တန်း ကမ္ဘာ့ချန်ပီယံဆုအား စိန်ခေါ်နိုင်သည့်
ကစားသမားများအားထုတ်ပြန်ခဲ့ရာ ချန်ပီယံဟောင်းများဖြစ်သည့် အောင်လအန်ဆန် (မြန်မာ)နှင့် ဘစ်ဒက်ရှ် (ရုရှား)တို့အပြင် ဘရာဇီးလ်ကစားသမား လီအန်ဒရိုလည်း ပါဝင်လာသည်။

အောင်လအန်ဆန်သည်လက်လွှတ်ခဲ့ရသည့် မစ်ဒယ်ဝိတ်တန်း ကမ္ဘာ့ချန်ပီယံဆုကိုပြန်လည်ရယူသွားမည်ဖြစ်ကြောင်း ကတိပေးပြောကြားထားပြီး မကြာမီပြန်လည်စိန်ခေါ် ခွင့်ရရန် မျှော်မှန်းထားကြောင်းသိရသည်။ သို့သော် အောင်လအန်ဆန်အနေဖြင့် ချန်ပီယံဆုအားပြန်လည်စိန်ခေါ်နိုင်ရန် ချန်ပီယံဟောင်းဗစ်တာလီဘစ်ဒက်ရှ်နှင့်ဦးစွာထိုးသတ်ရဖွယ်ရှိကြောင်း အရိပ်အမြွတ်ပြောကြားထားသည်။

အောင်လအန်ဆန်သည် ONE မစ်ဒယ်ဝိတ်တန်း ကမ္ဘာ့ချန်ပီယံဆုကို၂၀၁၇ ခုနှစ်ဇွန်လတွင် ရုရှားနိုင်ငံသား ဗစ်တာလီဘစ်ဒက်ရှ်ကိုအမှတ်ဖြင့်အနိုင်ယူပြီးရရှိခဲ့ခြင်းဖြစ်သည်။ချန်ပီယံဖြစ်ပြီးသုံးနှစ်ကျော်ကာလအတွင်း ချန်ပီယံကာကွယ်ပွဲများထိုးသတ်ရာတွင် လေးပွဲမြောက်မှရှုံးပွဲကြုံတွေ့ခဲ့ခြင်းဖြစ်သည်။

အောင်လအန်ဆန်သည် ယခုနှစ်အတွင်းတစ်ပွဲသာထိုးသတ်ရသေးပြီး လာမည့်ပွဲကိုယခုနှစ်အတွင်း ထိုးသတ်ရခြင်းမရှိပါက လာမည့်နှစ်ဆန်းပိုင်းတွင် ထိုးသတ်ရဖွယ်ရှိနေသည်။ONE Championship သည် အောင်လအန်ဆန်၏ပွဲစဉ်များနှင့်ပတ်သက်၍ ထပ်မံထုတ်ပြန်မည်ဖြစ်ပြီး လိုက်ဟဲဗီးဝိတ်တန်းချန်ပီယံကာကွယ်ပွဲထက် မစ်ဒယ်ဝိတ်တန်းစိန်ခေါ်ပွဲများသာ ထိုးသတ်ရဖွယ်ရှိနေသည်။

Leave a Reply

Your email address will not be published. Required fields are marked *